Etiketaren artxiboak: info7 irratia

Negu Gorriak, gero eta barruagotik aztertzen

Sarrera hau Info7 Irratiak idatzi zuen 2016/12/20-an.

#ZazpigarrenRound-a egin dugu jada gaur NG Samples atalean Urko Rodriguez eta Arkaitz Sagastirekin. Euskal kantugintza atalean Negu Gorriak taldearen kantuei begira jartzen gara eurekin, eta kantuetan dauden sampleak nabarmentzen ditugu. Taldea gero eta barruagotik ezagutzen dugu eurei esker.

Negu Gorriaken fonoteka #SeigarrenRound

Sarrera hau Info7 Irratiak idatzi zuen 2016/10/10-ean.

Euskal kantugintza atalean aurten ere jarraituko dugu Negu Gorriak taldearen kantuak aztertzen, atzean dituzten soinu eta sanpleak zein abestitan duten jatorria aztertzen. Horretarako gurean izan ditugu Urko Rodriguez eta Arkaitz Sagasti eta bi kantu ekarri dizkigute aztertzeko: “nere bizitza osoa” eta “Arnaldo Otegi aske”.

 

Negu Gorriaken sanpleetatik Negu Gorriak sanpleatzera

Sarrera hau Info7 Irratiak idatzi zuen 2016/07/05-ean.

Euskal Kantugintza atalean Negu Gorriaken kantuak aztertzen ditugu #NGSamples atalean Urko Rodriguez eta Arkaitz Sagastirekin. Ikasturteko azken atalean bira osoa eman dugu, Negu Gorriakek bere kantuetan erabili zituen sanpleak aztertzetik Negu Gorriaken kantuak sanpleatu dituzten taldeetara igaro gara.

 

Nondik jaten zuen Negu Gorriak taldeak? #NGsamples

Sarrera hau Info7 Irratiak idatzi zuen 2016/05/31-ean.

Euskal kantugintza atalean gaur Urko Rodriguez eta Arkaitz Sagastiren bisita jaso dugu eta eurekin NG Samples-en laugarren atala egin dugu. Negu Gorriak taldearen kantuak nondik datozen eta atzean dituzten soinu eta sanpleak zein abestitan duten jatorria aztertu dugu. Hauek aztertutako kantuak: Azken tangoa, brigada peligros eta bizitza osoa.

 

NGsamples #HirugarrenRound

Sarrera hau Info7 Irratiak idatzi zuen 2016/04/05-ean.

Euskal kantugintza atalean Negu Gorriak taldearen kantuak aztertzen ditugu Urko Rodriguez eta Arkaitz Sagastirekin NG Samples atalean. Gaur hirugarren atala izan dugu. “Arrano beltza”, “NG dator” eta “hitzaurrea” aztertu ditugu. Jakin nahi nondik datozen sanpleak?

 

NGsamples Bigarren Round

Sarrera hau Info7 Irratiak idatzi zuen 2016/02/02-an.

Negu Gorriak taldearen kantuak nondik datozen eta atzean dituzten soinu eta sanpleak zein abestitan duten jatorria aztertzen ari dira Urko Rodriguez eta Arkaitz Sagasti NGsamples ekimenaren eta blogaren bitartez. Bigarren aldiz etorri zaizkigu zenbait adibide eta erronkekin.

Negu Gorriak taldearen “Seinalea” eta “Esan Ozenki” ekarri dizkigute adibide moduan. Baita Vanila Ice eta David Bowie & Queen eta azkenik erronka moduan “Denok gara Malcolm X”.

 

Negu Gorriak-en kantuen tripak

Sarrera hau Info7 Irratiak idatzi zuen 2015/11/17-an.

Euskal kantagintza atalean bi lagun berri batu zaizkigu, Urko Rodriguez eta Arkaitz Sagasti. “NGsamples” izeneko ekimena sortu zuten biek, horrela, Negu Gorriak taldearen kantuak nondik datozen eta atzean dituzten soinu edo sampleak zein abestitan duten jatorria aztertzen ari dira. Zenbait adibide jarri dizkigute.

 

 

Agur Info7 Irratia

Pasa den astean Info7 Irratiak agur esan zigun, ziklo bat amaitu eta berri baten hasiera iragarriz. Urruñako estudioan jai erraldoi bat antolatu zuten, irratsaio berezi berezi batekin hasi zena, ondoren bazkari eta musika emandliekin segitzeko. Urko eta kimo bertan izan ginen irratsaio horretako musika arduradun lanetan.

Hona hemen Ahotsa.info-ko lagunek egindako laburpen bideoa:

Ikusten duzuenez, DJ lanetan aritu ginen. Izan ere, Info 7 eta NG samples-en arteko elkarlan hau duela hiru urte paxatxo hasi zen, eta bidean hamazazpi round utzi ditu. hona hemen abentura honen hasiera izan zen momentua, 2015eko urriaren 14 urrun batetan:

Info7 Irratiak itxi eta komunikazio proiektu berri baten jaiotza ere iragarria dago. Guri, oraindik NG sanple batzuk kontatzea falta zaigu, baita sanplegintzaren inguruko adibide asko eta asko. Honakoa, etenaldia baino, deskantsu bat besterik ez da, eraberrituta bueltatzeko laster.

Bien bitartean, irratsaio horiek gure blogera berrigoko ditugu datozen egunotan, bizipen horiek gogora ekarri eta denak elkarrekin bilduta uzteko.