Etiketaren artxiboak: 1993

Funkdoobiest – The Funkiest

Ideia Zabaldu diskoak badu hitzaurre oso politta…besteak beste, doinu aborijen antzeko bat, Joxepa Arregirena izan litekeen ahots bat eta hainbatetan errepikatzen den gizon ahots bat topa genezake ere, honako hau diona:

“He had the voice of a courageous explorer,
a man dedicated to the pursuit of knowledge
and the expansion of his horizons…”

Dokumental batekoa dirudi, ikertzaile (kolonizatzaile?!) bati laudorioka dabilen off ahots bat, ezta? Jatorrizkoa nondik aterata dagoen ikertzen (baina ez kolonizatzen) dugun bitartean, gure belarriek topatu duten bertsio bat partekatzea baino ezin dugu egin. Hemen ere kanta hasieran erabili zuten ahotsa:

Cypress Hilletik oso gertu zegoen talde honek 1993an argitaratu zuen kanta hau eta Ideia Zabaldu 1995ekoa da; beraz, baliteke Los Angeleseko taldeak zuzenki eragin izana.

ngsamples goiburua1

Goikoetxea Anaiak – Txalaparta

Gaurkoan sanple oso xelebre bat aurkeztu nahi dizuegu. 1985ean Juan Mari Beltranek Euskal Telebistarako Euskal Herriko Soinu Tresnak izeneko dokumental-erreportaje bat egin zuen, gero musika album batekin osatuko zena. Bertan hainbat euskal musikari tradizionalek beraien burua aurkezten dute, kanta bat jo aurretik. Besteak beste, Goikoetxea Anaiek txalaparta musika tresna aurkezten digute, honela:

Negu Gorriakek Borreroak Baditu Milaka Aurpegi diskako azken kantuan txertatu zuten sanple hauxe:

ngsamples goiburua1