Etiketaren artxiboak: 1990

Eric B. & Rakim – Move The Crowd

zzzERPIF zzzNGNG

Donostiako belodromoa jendetza handia biltzeko toki aparta zen 80. hamarkadan. Han egiten ziren kontzertu handiak, mitin politiko gogoangarriak edota bertso-final apartak. Garai hartan, Donostiatik milaka kilometrora, Eric B. eta Rakimek bazekiten jendetza mugitzea zertan zetzan:

Bertsio instrumental honetako erritmo moteldua da Peñagarikano eta Egañaren artekoa birgogoratzeko erabilitakoa.

ngsamples goiburua1

NWA – Fuck tha police

zzzNWASOC zzzNGNG

1988an NWA taldeak plazaraturiko hiten artean “Fuck tha police” dugu. Epaiketa batean kokatzen dute kanta; bertan, gazte beltz akusatu batzuk poliziaren inpunitatezko basakeria salatzen dute.

Negu Gorriak seinalearen zai zegoen bitartean, EEBBetako mendebaldeko kostako gangsterren oihuak leku hartzen zuen beraien abestian (38 eta 50. segunduen bueltan eskratxaren ondoren):

ngsamples goiburua1

Kurtis Blow – Express Yourself

zzzKBBBPD zzzNGHH

Sanple hau azaltzeko buelta ederra eman behar dugu. Jatorria Charles Wright & the Watts 103rd Street Rhythm Band taldeak 1970ean grabatutako Express Yourself kanta mundiala da. Gurera askotan ekarri dugun NWA taldeak bere hip hop bertsio bikaina egin zuen 1988an, eta Negu Gorriakek beren 1996ko Salam Agur diskan ere NWAren bertsioa bertsionatu zuten. Onaino, dena ongi. Baina ondo fijatu ezkero, bada 103 kaleko bandaren eta Negu Gorriaken bertsioan, tronpeteo eder bat, NWA taldeko bertsioan ez dena inondik ageri. Tronpeteo hori Negu Gorriakek lehenago ere sanpleatu zuen 1990. urtean Hator Hator kaleratu zutenean:

Argi entzun daiteke, sanpleatutako zatia 1:31 segunduan, eta ez, ez dira 103 Street Rythm Band-ekoak eta ezta ere NWA taldekoak. Hau Kurtis Blow izan zen, 1988an argitaratu zuen Back by Popular Demand diskoan kaleratu zuen Express Yourself abestiaren moldaketan:

ngsamples goiburua1

Egaña eta Peñagarikano – 1986 Bertso Txapelketa Nagusia

zzzNGNG

Bertso Hop kantua, ziur badakizuela, 1986ko Bertso Txapelketa Nagusiko finalean Egañak eta Peñagarikanok abestutako bertso hauen moldaketa da:

Negu Gorriakek gai jartzailea sanpleatu egin zuten beren bertsioan:

ngsamples goiburua1

Jose Peña Gozategi, Joanmari Beltran – Tronpa Musukitarra

Maurizia Aldeiturriaga eta Pierre Ager bitartean, bada beste euskaldun bat sanpleaturik Esan Ozenki kantuan, hau ere Euskal Herriko Soinu Tresnak albumetik hartua. Oraingoan Joxe Peña Gozategi, Oriyoko Sarobeko basarrin jayua.

Entzun dezagun ba bere tronpa musukitarra jotzen:

Sanple hauxe bera Negu Gorriakek Laboari egindako Arrano Beltza moldaketan ere txertatu zuten, honela (“ibiltzen zan kontrabando pixkat egin, eskopetak konpondu-ta“):

ngsamples goiburua1

Jean Mixel Bedasagar, Pierre Ager – Xirula

Atzokoarekin segituz, Euskal Herriko Soinu Tresnak diska bikaineko beste pieza bat dakargu hemen. Hau ere Esan Ozenki kantuaren amaieran entzuten diren aurkezpen horietakoa:

Kasu honetan Pierre Ager Garat atabala jotzailea da NGren kantuan sanpleatu zutena. Itzela gero!

ngsamples goiburua1

Leon Bilbao eta Maurizia Aldeiturriaga – Alboka

Euskal Herriko Soinu Tresnak albumeko sanple batzuk ekarri nahi ditugu NGsamplesera gaur. Negu Gorriakek hainbat kanta desberdinetan erabili zituen diska honetako hainbat zatixo. Besteak beste Esan Ozenki kantuan, Mauriziak bere burua aurkezten duen zatixoa.

Hemen Negu Gorriak taldearena:

Iker Garaialderi ere gure eskerrona luzatu nahi diogu, deskatalogaturik dagoen Euskal Herriko Soinu Tresnak disko erraldoia gurekin partekatzeagatik. Mila esker!!

ngsamples goiburua1

Take 6 – WE LOVE radio (jingles)

WE LOVE radio, from the heart of Bed-Stuy!! dio Jingle-ak irratitzarrean, Spike Leeren laugarren luzemetraian. NGren Radio Rahim kanta ospetsuan, Do the Right Thing (Eginzazu Behar Duzuna) ezinbesteko filma da kontatzen digutena, eta honen hasieran jingle horietako bat entzun daiteke, honela:

Eta hemen jatorrizko Jingle-ak.

ngsamples goiburua1

Shinehead – Raggamuffin

It’s the Jungle out there! leloa idatzi dugu blog honen goiburuan NGk beraien Raggamuffin Jaia abestian erabili zuten sanple bat bait da. Zehazki Shinehead artista jamaikar-britainiar-neoyorkinoaren Raggamuffin kantu honetatik hartua:

Ta Neguren kantua, hemen:

ngsamples goiburua1

Boogie Down Productions – Love’s Gonna Get Cha (Material Love)

Amodioak harrapatuko zaitu; eta hala ez bada, gutxienean, norbaiten falta somatuko duzu zure alboan egoteari uzten dionean. BDP taldearen kanta honen basea ezaguna egingo zaio edozein NG jarraitzaileri:

Bertsio instrumentala ere badu (akaso hobea!):

“Hemen izango bazina” kantaren hasieran bada erantzungailu bat. Hortxe topatuko dugu KRS-ONE handiak abesturiko kanta antimaterialistaren doinutxo itsaskorra:

ngsamples goiburua1