De La Soul – Millie Pulled a Pistol on Santa

De La Soul tarteka sampleatu behar izan du Negu Gorriak taldeak. Ez zaigu kasualitatea iruditzen, talde amerikarrak dauzkan doinu goxoekin maitemintzea oso erraza baita, duela hamarkada batzuk zen bezalaxe…

Jatorrizko kantan, Milliek Santa Klaus begipuntuaren xedean eduki zuenekoa kontatzen digute New Yorkekoek…Hasierako erritmoa ongi gorde gogoan, errimetan murgildu aurretik.

Erritmo hori zertxobait motelduz Begirunearen sarrera eta irteera bilakatu zen, argitaratu zenetik 4 urtera. Orain galdera hauxe da: Marcos azpikomandanteari ze irudituko zitzaion Santari bala bat sartzea?

 

ngsamples goiburua1

 

 

Peter Gabriel eta Nusrat Fateh Ali Khan – Taboo (Natural Born Killers OST)

 

Sample zoragarri hau Mikel Abregok txibatu zigun; zoragarria dela diogu, zinearen munduarekin lotura zuzena izateaz gain, kantuaren atzean dauden egileak ez direlako nolanahikoak.

90. hamarkadako pelikularik esanguratsuenen artean dugu Natural Born Killers, hegoaldekoontzat «Asesinos natos» izenarekin iritsi zitzaiguna. Filma latza zen, sarraskiak eta hildakoak uneoro.

Pelikulako etenik gabeko arrisku egoera horren laburpen bikaina da Nusrat handiak bere ahotsaz egiten diguna, gorabehera horiekin gugan ezinegon bat sorraraziz. Abeslari pakistandarra mendebaldean (eta mundu osoan zehar) ezagun egin zuena Peter Gabriel bera izan zen. Lankidetza haren ondorenak oraindik ere birrargitaratzen dira XXI. mendeko 20. urtearen buelta honetan.

Adi: 3. minutuko 17. segundoari

 

Zeinen ongi bereizten den ahots zirraragarri hori Hitzaurreko tiro hotsez, indigenen soinuez, Joxepa Arregiren esaldiaz eta enparauez lagundurik, ezta?
(20. segundoan eta 40.ean)

Eskerrik asko, Pintza power!

ngsamples goiburua1

Al Green – Take me to the river

1974. urteko kanta honetako introa entzuteak zure gogamenarengan eragin itzela ukan dezake. Hala ere, bukaeraraino entzuteko moduko pieza da honakoa; izan ere, Al Greenek ez baitzeukan Otis Reddingek ez zeukan deusik.

Entzun orain, arren, 17. segundotik 30.erainoko tartean nahiz 41. segundoaren bueltan entzuten den erritmo goxoa, entzun…

ngsamples goiburua1

Maceo Parker – Got To Get U

Gutxi egongo da munduan Maceo Parker bezain ospetsu den saxofonistarik. James Brownen orbitako musikari honek zuzeneko disko honekin bideratu zuen bere bakarkako ildoa 90. hamarkada hasieran. Entzutekoa, bereziki honelako piezengatik. Adi 37 segundoari (gutxi gora behera).

Negu Gorriak taldeak belarriak fin zeuzkaten eta urtebeteren bueltan jada zuzeneko diskotzar hori sanpleatua zeukaten beraien disko beltzean. “NG bada”ko 11. segundoak beste zentzu bat hartzen du orain, ezta?

ngsamples goiburua1

Arthur Conley – People sure act funny

Sam Cooke eta Otis Redding artean koka genezakeen Arthur Conley handia ere ez zuen ahaztu Irungo boskoteak. Gorria zenentz ez dakigu, baina homosexuala zela bai; barkamenik gabeko bekatu horren ondorioz, Herbehereetan eman zituen bere azken urteak; bere sorterritik urrun. Luis Mariano beltz honen “People sure act funny” kantaren intro dekadenteari adi!

Jendeak era barregarrian ziurki jokatu ala ez, 17. segundoan topa dezakegun sample hau Reixaren «refrito»a maisuki erdibitzeko gai da.

ngsamples goiburua1

Dennis Brown eta Gregory Isaacs – Jealousy

Gregory eta Dennisen diskorik entzun ez duen reggaezale bat ez da benetako reggaezale bat. Izan ere, ia kontaezinak diren diskografiak dauzkate beraien izenen atzean, bakarka nahiz beste artistekin batera. Berlingo Harresia erori bitartean hau ere entzuten zen internetik gabeko Euskal Herrian.

BSO kantak ez zeuzkan soilik LKJren sampleak. Bestelakoez ere elikatu zen; tartean, Dennis eta Gregoryz. Adi introari!

ngsamples goiburua1

Defunkt – Defunkt

Punk-funk musikak ere harrapatu zituen Kaki eta bere taldekideak 80. hamarkada hasieran…ez zen ba guztia punk-rocka izango, ezta? Erreparatu hasierako ahotsari.

Festa gogoz dantza egin nahi duen Joseph Bowie handiak Negu Gorriaken bigarren albumean  parte hartu zuen, gure jarrerarekin bat zetorrelako. Nola bestela?

ngsamples goiburua1

Diagonal – NG Samples: los tesoros de Negu Gorriak (Nacho Pato, 2016-03-26)

2016ko martxoan Diagonal Egunkarian NG samples egitasmo honi buruzko elkarrizketa luze bat argitaratu zuen Nacho Pato kazetariak.

Elkarrizketa hori honako estekan irakurri ahal duzue. NGren diskografikan murgilketa polita egiten du testuak, eta gure proiektu honen bitartez ezagutzera emiondako hainbat kuriositate kontatzen dira. Gozatu!

NG samples, los tesoros de Negu Gorriak

Beste esteka honetan, PDF formatuan deskargatu ahal duzue ere.

James Brown And Full Force – She Looks All Types A’ Good

 

 

Kortatuk Iruñean “Azken Guda Dantza” ospatu zuen urte berean, Soularen Aitabitxiak Full Force taldearekin batera disko bat atera zuen. Loop funkyak osatzeko iturri agortezina izaten jarraitzen zuen gure Jamesek.

Honetaz guztiaz jabeturik, handik 3 urtera, 18. segundutik 28.erainoko erritmo indartsua osatu zuen Irungo boskoteak. Bukarea aldera ere errepikatuko dena. Adi belarriak.

ngsamples goiburua1

Prince – New Position

 

Princek ere ezin izan zion iskin egin Negu Gorriaken sanpleatze ariketari. Izan ere, New Position izeneko pieza labur honen sarrerako erritmoarekiko indiferentzia erakustea ia-ia delitu baita. Metronomo bikaina!

Kantuen artean inolako isiltasunik ez zeukan Gure Jarrera diskotzarreko NG Badoa «refrito» honek ere hasieran dauka erritmotxo killer hori. Txekiraut!

ngsamples goiburua1